Chrystia Freeland, Vis Premye Minis Kanada a ak Minis Finans, te anonse yon seri mezi pou egalize teren jwèt pou travayè Kanadyen yo epi pou fè endistri machin elektrik (VE) Kanada a ak pwodiktè asye ak aliminyòm yo konpetitif sou mache domestik, Amerik di Nò ak mondyal yo.

Ministè Finans Kanada a te anonse nan dat 26 out, apati 1ye oktòb 2024, yon taks siplemantè 100% ap aplike sou tout machin elektrik ki fabrike an Chin. Sa yo enkli machin pasaje elektrik ak pasyèlman ibrid, kamyon, otobis ak kamyonèt. Sipleman 100% la pral aplike sou tarif 6.1% ki aktyèlman enpoze sou machin elektrik Chinwa yo.

Gouvènman Kanadyen an te anonse nan dat 2 Jiyè yon konsiltasyon piblik 30 jou sou mezi politik posib pou machin elektrik enpòte ki soti nan Lachin. Pandansetan, Gouvènman Kanada a prevwa, apati 15 Oktòb 2024, pou l enpoze tou yon sipliman 25% sou pwodui asye ak aliminyòm ki fèt nan Lachin, li te di youn nan objektif mezi sa a se pou anpeche aksyon patnè komèsyal Kanadyen yo te fèk fè.

Konsènan taks sou pwodui asye ak aliminyòm Chinwa yo, yo te pibliye yon lis preliminè machandiz yo nan dat 26 out, dapre deklarasyon an, piblik la ka pale anvan yo finalize l nan dat oktòb.